里數信用卡比較
我地定期都會幫大家整理信用卡里數回贈比較，會 cover 以下幾種簽賬類別:
餐飲
網上
外幣
本地
交通
航空公司
餐飲簽賬 - 信用卡里數回贈比較
中秋節又就快到啦，肯定最近屋企人同朋友都有好多飯局。就等我同大家分享一下目前最抵嘅餐飲里數卡，中秋食飯賺夠里數，聖誕就又可以換免費機票去旅行！
唔同銀行其實都有好多requirement，如果你係會去貴價餐廳又或者每次都一大班人食飯，建議你一定要用 BOC Cheers，畢竟可以賺高達 HK$1.5 = 1 里。除此之外，渣打國泰 Mastercard 我都幾推薦，雖然要國泰夥伴餐廳先可以賺到 HK$4 = 2 里，但係其實香港都有超過 200 間合資格餐廳，食之前記得去國泰網站到睇睇啦！
網上簽賬 - 信用卡里數回贈比較
大家都一定有唔少網上簽賬，特別係 subscribe Netflix、Disney+ 等等嘅影音平台，如果你都有呢類型嘅簽賬，就記得一定要用滙豐 EveryMile 啦，賺到 HK$2 = 1 里，每個月密密賺！
外幣簽賬 - 信用卡里數回贈比較
最近唔少銀行對於外幣簽賬都有幾多外幣 Tactical 優惠，如果你平時有外幣簽賬但係又唔會太大筆，其實我個人幾推薦滙豐 EveryMile，畢竟搭配埋 Travel Guru 嘅額外 Reward Cash，其實都幾抵💰！
相反，如果你真係有好多外幣簽賬，但係又唔想成日換卡或者計住計住，就可以認真考慮渣打國泰 Mastercard 藍色🔵、黑色⚫，真係冇上限賺高達 HKD2 = 1里👍！
本地簽賬 - 信用卡里數回贈比較
其實好老實講，本地簽賬其實間間銀行都差唔多，我反而覺得大家可以留意銀行平時嘅 Tactical Campaigns ⏰又或者迎新簽賬。例如滙豐就出名多 Tactical Campaign，不時都可以喺 Reward + 個 app到見到有啲可以登記嘅優惠🎁！
又或者迎新簽賬黎講，渣打國泰Mastercard 迎新期内其實有好幾個 Spending Tier，例如首 HK$5,000 簽賬其實賺到 HK$3 = 1 里。咁樣計就抵好多👏！
交通簽賬 - 信用卡里數回贈比較
最近🚂地鐵都已經開通曬 Visa、Mastercard！唔知道大家有冇養成將信用卡當成八達通嘅習慣🤣 目前最抵就真係滙豐 EveryMile 啦，搭巴士、地鐵都贏曬！如果你係 AE 忠粉，搭天星小輪⛴️都可以用 Explorer~ 唔好睇少交通費啊，每個月搭車翻工放工都可以賺到唔少里數✈️！
航空公司簽賬 - 信用卡里數回贈比較
好多香港人都一定係國泰嘅 fans，如果你成日搭國泰或者 HK Express 就一定要申請渣打國泰 Mastercard，賺到高達 HK$2 = 1 里！另一張就係 AE Explorer，雖然高達 HK$3.6 = 1 里，但係可以用到喺唔同航空公司✈️，仲要買機票包埋旅遊保障❤️，咩都唔洗煩！
有咩問題歡迎留言話畀我地知！
The Money Projects (TMP) 顯示的所有資訊僅供參考，相關優惠及獎賞並非由 TMP 提供，請細閲相關條款及細則，並以銀行、金融機構或服務供應商之網站為最終版本。借定唔借？還得到先好借！
Comments